බහු ශාකමය සංයෝගයක් වන අග්‍රරාජ ක්වාථයෙහි අන්තර්ගත ශාක වල ඖෂධීය ක්‍රියාකාරීත්වය සමාලෝචනය කිරීම
| dc.contributor.author | Senaratne, S.M.D.N.P. | |
| dc.contributor.author | Karunaratne, Y.A.U.D. | |
| dc.date.accessioned | 2026-10-26T09:31:11Z | |
| dc.date.issued | 2022 | |
| dc.description.abstract | ප්‍රජනක අවධියෙහි පසුවන කාන්තාවන් අතර සුලබව දක්නට ලැබෙන ගර්භාෂ බිත්තියෙහි හට ගන්නා පිළිකාමය නොවන රෝගයක් ලෙස ගර්භාෂගත අර්බුද හැදින්විය හැක. මෙහි ප්‍රතිඵලයක් ලෙස කාන්තාවන්ගෙන් 25% - 50% ක් අතර ප්‍රමාණයක් ශල්‍ය ප්‍රතිකාර ලෙස ගර්භාෂගත අර්බුද ඉවත් කිරීමේ සැත්කම (Myomectomy) හෝ ගර්භාෂය ඉවත් කිරීමේ සැත්කම (Hysterectomy) සිදු කරගනී. අවම වශයෙන් වයස අවුරුදු 35ට වැඩි කාන්තාවන්ගෙන් 20% ක් ගර්භාෂගත අර්බුද වලින් පීඩා විදින බව ගණන් බලා ඇත. කරුණා ක්‍රියාශීලී අවධියෙහි හට ගන්නා මෙම රෝගී තත්ත්වය නිසා කාන්තාවන්ගේ වැඩ කිරීමේ හැකියාවට මෙය අහිතකර ලෙස බලපා ඇත. එමෙන්ම අධික රුධිර වහනය, උදරයේ වේදනාව, කොන්දේ වේදනාව වැනි රෝග ලක්ෂණ කාන්තාවන්ගේ සමාජ, වෘත්තීය සහ මානසික යහ පැවැත්මට බාධා ඇති කරනු ලබයි. බටහිර වෛද්‍ය කර්මයෙහි මේ සඳහා ඖෂධ හා සැත්කම් විශාල ප්‍රමාණයක් ඇතිමුත් රෝගීන් සැත්කම් වලින් හටගන්නා අතුරු ආබාධ හා ඒ සඳහා යනු ලබන පිරිවැය මත ආර්ථික වශයෙන් ඇතිවන පීඩනය නිසා ඒ සඳහා යොමුවීමට මැලි වේ. එබැවින් මෙම සමාලෝචනයේ පරමාර්ථය වූයේ ගර්භාෂගක අර්බුද සෑදීමේ ක්‍රියාකාරීත්වය වළක්වන සහ මෙම රෝගී තත්ත්වයෙහි උපද්‍රවකාරී රෝග ලක්ෂණ අඩු කරන ශාකසාර ඖෂධීය ඔසුවක අඩංගු ඖෂධීය ශාක වල ක්‍රියා පිළිබඳ තොරතුරු සාරාංශගත කිරීමය. විවිධ සෙවුම් යන්ත්‍ර වල භාවිතයෙන් මෙම ශාක පිළිබඳ පෙර කරන ලද පර්යේෂණ, සාහිත්‍ය විමර්ෂණ උපයෝගිකර ක්‍රමානුකූලව සෙවීමක් සිදු කරන ලදී. මෙහි අන්තර්ගත අමුද්‍රව්‍ය ලබා ගන්නා ශාක ලෙස පහත සඳහන් චීන අල (Smilax glabra Roxb), කොහොඹ (Azadirachta indica juss), කලුදුරු (Nigella sativa Linn), සූදුරු (Cuminum cyminum), එනසහල් (Elettaria cardamomum Maton), කුරුදු (Cinnamamum zelanicum blume), සාරණ (Boehaavia diffuss Linn.), ඉගුරු (Zingiber offinale), ගම්මිරිස් (Piper nigram Linn), තිත්පිලි (Pipper longum Linn), අසමෝදගම් (Carum copticum Bentha Hook), සහ කොත්තමල්ලි (Coriandrum sativum), හැඳින්විය හැක. මෙහි අඩංගු ශාක ඖෂධ 12 අතරින් ඖෂධීය අමුද්‍රව්‍ය හයක අන්තර්ගත ගර්භාෂගත අර්බුද ප්‍රතිකාරයේ රෝගියා සහ රෝගය කෙරෙහි ක්‍රියා කරන ආකාරය හා ක්‍රියාස්වාභාවය පිළිබඳ සමාලෝචනය කර සාකච්ඡා කරන ලදී. මෙම අධ්‍යනයේදී මේවායේ අන්තර්ගත ක්‍රියාකාරී ශාකමය රසායන (Phytochemicals), අක්මාව ආරක්ෂාකාරී (Hepato-protective), ප්‍රතිඔක්සිකාරක (Antioxidant), ප්‍රතික්ෂුද්‍රජීවී (Antimicrobial), ප්‍රතිඅර්බුද (Antitumor), ප්‍රතිප්‍රදාහ (Anti-inflammatory), සහ ප්‍රතිශක්තිකරණ ක්‍රියා (immunomodulatory activities) මගින්, මෙහි ගර්භාෂගත අර්බුයෙහි විශාලත්වය හා අර්බුද සංඛ්‍යාව අඩු කිරීමට හා එමෙන්ම ගර්භාෂගත අර්බුද රෝගය හා රෝග ලක්ෂණ කළමණාකරණය සඳහා ඵලදායි ලෙස භාවිතා කලහැකි නිසා, මෙම ඖෂධය රෝගියාගේ ජීවන තත්ත්වය උසස් කරන බව නිගමනය කළ හැක. මෙමගින් ගර්භාෂගත අර්බුද කෙරෙහි සංකූලතා ඇතිවීම පිළිබඳ සාක්ෂි අනාවරණය නොවුනි. | |
| dc.identifier.citation | SLAAS Proceedings of the 78th Annual Session 2022 | |
| dc.identifier.uri | http://vidya.nsf.gov.lk:8080/pdfs/vidslaas/2022/901A.pdf | |
| dc.identifier.uri | https://viduketha.nsf.gov.lk/handle/123456789/21780 | |
| dc.language.iso | sin | |
| dc.publisher | Colombo : Sri Lanka Association for the Advancement of Science , | |
| dc.subject | Uterine Crises | |
| dc.subject | Non-cancerous Disease | |
| dc.subject | Uterine Wall | |
| dc.subject | Women | |
| dc.subject | Reproductive | |
| dc.subject | Myomectomy | |
| dc.subject | Hysterectomy | |
| dc.subject | Surgery | |
| dc.title | බහු ශාකමය සංයෝගයක් වන අග්‍රරාජ ක්වාථයෙහි අන්තර්ගත ශාක වල ඖෂධීය ක්‍රියාකාරීත්වය සමාලෝචනය කිරීම | |
| dc.title.alternative | 901/A | |
| dc.type | Article |