Communities in DSpace
Select a community to browse its collections.
Recent Submissions
Item type: Item , ඉගැන්වීමේදී ගණිත ගුරුවරුන් සිසුන්ගේ පෙර දැනුම සක්‍රිය කරන්නේ කෙසේද?(Colombo : Sri Lanka Association for the Advancement of Science ,, 2022) Ratnayake, D.R.N.N.; Jayakody, G.N.ඔබගේ පෙර දැනුම, නව ඉගෙනුමක් සඳහා කෙසේ වැදගත් වේද? සරල උදාහරණයක් ලෙස ත්‍රිකෝණයක වර්ගඵලය සෙවීමට පළමුවෙන්ම ඉගෙන ගන්නා මොහොක සලකමු. මෙහිදී සෘජුකෝණාශ්‍රයක වර්ගඵලය සෙවීමේ පෙර දැනුම සක්‍රිය කිරීමෙන් හා ත්‍රිකෝණයක් යනු සෘජු කෝණාශ්‍රයකින් අඩක්ය යන සම්බන්ධය දැකීමෙන් ත්‍රිකෝණයක වර්ගඵලය සෙවීමේ මුලික සූත්‍රය ඔබට ඉතා පහසුවෙන් ඉගෙන ගත හැක. මෙහිදී සිදුවන්නේ පෙර දැනුම, නව දැනුම සමඟ සම්බන්ධ කිරීමෙන් තොරතුරු සංජානනය පහසුවී ඉගෙනීම වේගවත් වීමයි. එමඟින් තොරතුරු උකහා ගැනීමේ හා මතක තබා ගැනීමේ කාර්යක් ෂමතාවය වැඩි වේ. තවද පෙර දැනුම සක්‍රිය කිරීම තුලින් පසුගිය පාඩර්ම වලට අදාලව සිසුන්ගේ දක්ෂතා, දුර්වලතා හා වැරදි අවබෝධ හඳුනා ගැනීම ගුරුවරයාට හැකිය. පෙර දැනුම, සාර්ථක ඉගෙනීමක ප්‍රධානකාම සාධකයක් බව පර්යේෂණ වලින් තහවුරු කර ඇත. සීමාව කලනයේ මුලික සංකල්පයකි. නමුත් එහි සංකීර්ණභාවය හේතුවෙන් බොහොමයක් සිසුන් සීමාවෙහි සංකල්පිය දුර්වලතා පෙන්වයි. සීමාව හැදෑරීම සඳහා ශ්‍රික, එහි අංකනය, වසම, පරාසය, තාත්වික සංය ප්‍රස්ථාර, අනන්තය සංකල්පය යනාදී විෂය කොටස්වල පුර්ව දැනුම අත්‍යවශ්‍ය වන අතර එහි මතකය අවදි කර, එම පෙර දැනුම හා සම්බන්ධ කරමින් නව දැනුම ඒ මත ගොඩ නැගීම, සංකල්පියට ඉගෙන ගැනීමට පිටුවහලක් වේ. මෙම අධ්‍යයනයේ මුලික පරමාර්ථය වනුයේ උසස් පෙළ ගණිත ගුරුවරුන් ශ්‍රිතයක සීමාව ඉගැන්වීමේදී සිසුන්ගේ ශ්‍රික පිලිබඳ පෙර දැනුම සක්‍රීය කිරීමට ගත් ක්‍රමෝපායන් විශ්ලේෂණය කිරීමයි. ශ්‍රී ලංකාවේ දිස්ත්‍රික්ක තුනක පිහිටි පාසල් නවයක ගුරුවරු දොළහකගේ සීමාව අර්ථ දැක්වීමට අදාළ පාඩම් පරිච්ජේද දෙක බැගින් නිරීක්ෂණය කර, ඒවා පටිගත කර පිටපත් කිරීමෙන් හා ගුණාත්මකව විශ්ලේෂණය මගින් ගුරුවරු පෙර දැනුම සක්‍රිය කිරීමට ගත් ප්‍රවේශ නිර්ණය කරන ලදී. විශ්ලේෂණයන්ට අනුව, ගුරුවරුන් ශ්‍රිත පිලිබඳ උදාහරණ, ක්‍රියාකාරකම් හා සාකච්ඡා තුලින් ශ්‍රිත අංකනය, වසම, පරාසය, දෙන ලද X අගයකට අදාලව ශ්‍රිතයේ අගය සෙවීම, අනන්තය, පරිමිත ශ්‍රිත හා ප්‍රස්ථාර සම්බන්ධව සිසුන්ගේ පෙර දැනුම සක්‍රීය කිරීමට යම් උත්සාහයන් ගන්නා බව පැහැදිලිය. සුළු පිරිසක් ශ්‍රිත ආවර්ජනයෙන් පසු යම් දෙන ලද ලක්ෂ්‍යයකදී ශ්‍රිතයක අගය හා සීමාව පිලිබඳ වෙනස පැහැදිලි කර එම පාඩම අතර පැහැදිලි සම්බන්ධයක් ආරම්භයේදීම ගොඩ නැගීය. නමුත් සමහරක් ගුරුවරුන්ගේ සම්ප්‍රදායික ඉගැන්වීම් රටාව හේතුවෙන් ශ්‍රිත පිලිබඳ ආවර්ජනයට අවකාශයක් නොතිබුණු අතර සීමාවෙහි සංකීර්ණ කරුණු මුල සිටම ඉගැන්වීම සිදු විය. මෙම විශ්ලේෂණය තුලින්, සිසුන්ගේ පෙර දැනුම සක්‍රිය කිරීම සඳහා ගණිත ගුරුවරුන් විශේෂ අවධානයක් යොමු කල යුතු බව පැහැදිලි වේ. ඒ සඳහා විවිධ වූ සාකච්ඡිං, ක්‍රියාකාරකම, පැවරුම් හා ඉදිරිපත් කිරීම භාවිතා කිරීමට ඔවුන්ට පුහුණුවක් අවශ්‍ය වන අතර ගුරු වෘත්තිය සංවර්ධන වැඩ සටහන් හා වැඩමුළු ඵලදායි කිරීම සඳහා මෙම අධ්‍යයනයේ ප්‍රතිඵල භාවිතා කල හැක.Item type: Item , සුහුරු ජංගම දුරකතන හඬ ආබාධ හඳුනා ගැනීම සඳහා සුදුසුද?(Colombo : Sri Lanka Association for the Advancement of Science ,, 2022) Weerasinghe, U.; Cooray, R.V.වර්තමානයේ සන්නිවේදන සඳහා බොහෝ දෙනා සුහුරු ජංගම දුරකතනය භාවිත කරති. හොඳ සන්නිවේදනයක් සඳහා හොඳ ස්වර සෞඛ්‍යයක් පවත්වා ගැනීමට අත්‍යවශ්‍ය අතර, උගුර නාසය ආශ්‍රිත රෝග වැළඳීම හේතු කොට ස්වර තන්තු වලට හානි වීම නිසා මිනිස් කටහඬ විවිධ වෙනස්වීම් වලට භාජනය වේ. මිනිස් කටහඬේ වෙනස් වීම් අධ්‍යයනය කිරීම සඳහා මෙම පර්යේෂණයේදී, ශබ්ද පාලන මැදිරියක, සම්මතමයික්‍රෆෝනයකින් ලබාගත් හඬ පරාමිතීන් වලට සාපේක්ෂව ඇන්ඩ්‍රොයිඩ් සුහුරු ජංගම දුරකතනයකින් ලබාගත් හඬ පරාමිතීන් විශ්ලේෂණය කරන ලදී. මෙම අධ්‍යයනයේදී, පුද්ගලයන්ගේ / අ: 1, 19:1, සහ/උ :/ යන ස්වර ශබ්ද 3 හි හඬ සාම්පල වලට අනුරූප ඉහළ, සාමාන්‍ය සහ පහත් තාරතා (pitch) මට්ටම් 3කින් ලබාගන්නා ලදී. පර්යේෂණයේ ප්‍රතිඵල වලට අනුව, පහත් තාරතා සාම්පල සඳහා විශිෂ්ට සහ සම්බන්ධතා (co-relation) අගයන් සැපයු අතර සුහුරු ජංගම දුරකතන හඬ ආබාධ හඳුනා ගැනීම සඳහා සුදුසු බව තහවුරු විය. තවද, විශ්ලේෂණය කරන ලද හඬ පරාමිතීන් 5 න් 3 ක් මයික්‍රොෆෝනය සහ ජංගම දුරකථන අතර ඉතා හොඳ සහ සම්බන්ධයක් පෙන්නුම්කරන ලදී.Item type: Item , ස්වභාවිකව පවතින සුපිරි ජලභීතික පෘෂ්ඨ වල මතුපිට තෙත් බව ශ්‍රී ලංකාවේ භූගෝලීය ස්ථාන අනුව වෙනස් වන ආකාරය විමර්ශනය කිරීම(Colombo : Sri Lanka Association for the Advancement of Science ,, 2022) Senaratne, W.D.G.M.; Jayawardena, S.ස්වභාවික සුපිරි ජලභීතික ද්‍රව්‍ය සම්බන්ධයෙන් සෑම වසරකම පර්යේෂණ පත්‍රිකා අතිවිශාල ප්‍රමාණයක් ඉදිරිපත් වේ. එසේ වුවද, මෙම සුපිරි ජලභීතික පෘෂ්ඨ හරහා ජල ස්පර්ශක කෝණය පිළිබඳ බොහොමයක් පර්යේෂණ සොයා ගැනීම් අතර විෂමතා පවතී. එබැවින්, මෙම ප්‍රතිඵල සෘජුවම සංසන්දනය කිරීම හෝ ප්‍රතිනිෂ්පාදනය කිරීම සිදු කළ නොහැකි ය. මෙම විෂමතාවයට එක් හේතුවක් ලෙස ස්පර්ශක කෝණවල අගය මැනීම සදහා ප්‍රමිතියෙන් යුතු නිශ්චිත ක්‍රියා පටිපාටියක ඌනතාවය හේතු විය හැකි අතර නියැදි පෘෂ්ඨය තුළ සහ ඒවා අතර ඇති ස්වභාවික විචල්‍යතාවය ද ජල ස්පර්ශක කෝණවල අපගමනයට දායක විය හැකිය. මෙම අධ්‍යයනයේ ó ໖ ໑໖ (Colocasia esculenta), (Nelumbo nucifera), 5 (Canna coccinea) ශාක වල පත්‍ර සහ රෝස (Rosa) මලෙහි පෙති නියැදි පෘෂ්ඨ ලෙස යොදා ගෙන එම තෝරා ගත් පෘෂ්ඨ මත තැබූ ජල බිංදුවක හැඩය විශ්ලේෂණය කිරීමේ ක්‍රම වේදයක් භාවිතා කර ජල ස්පර්ශක කෝණය නිරවද්‍ය ලෙස මැන බැලීමෙන් තෝරා ගත් එක් එක් දිස්ත්‍රික්කවලින් ලබා ගත් නියැදි පෘෂ්ඨයන්හි ජල ස්පර්ශක කෝණ අතර ඇති ස්වභාවික විචල්‍යතාව පිළිබඳ අවබෝධයක් ලබා ගැනීමයි. ඒ සදහා ගම්පහ, කොළඹ, කෑගල්ල, අනුරාධපුර සහ මාතලේ දිස්ත්‍රික්ක වලින් නියැදි පෘෂ්ඨයන් සපයා ගෙන ජල ස්පර්ශක කෝණය මැනීම සිදු කරන ලදී. වඩාත් ප්‍රචලිත සුපිරි ජලභීතික පෘෂ්ඨය වන නෙළුම් පත්‍රයේ ජල ස්පර්ශක කෝණය 157.6° ± 0.7° සිට 164.10 ± 0.4° දක්වාද රෝස මල් පෙත්තේ ජල ස්පර්ශක කෝණය 141.2° + 2.9° සිට 160.9° ± 0.6° දක්වාද විචලනය විය. මීට අමතරව, හබරල පත්‍රයේ ජල ස්පර්ශක කෝණය 153.4° + 1.8° සිට 160.3° ± 1.5° දක්වාද කැනා පත්‍රයේ ජල ස්පර්ශක කෝණය 144.0° ± 3.2° සිට 161.5° ± 2.3° දක්වාද විචලනය විය. මෙහිදී ලබා ගත් අගයන් මීට පෙර වාර්තාගත අගයන් සමග ගැලපෙන බැවින් විවිධ භූගෝලීය ස්ථාන හරහා පවතින දේශගුණික අනුගත වීම් හේතුවෙන් මෙම නියැදි පෘෂ්ඨයන්හි සුපිරි ජලභීතික ලක්ෂණ වල සැලකිය යුතු වෙනසක් ඇති විය හැකි බව පෙනෙන්නට තිබුණි. ඊට අමතරව තෝරාගත් ස්වභාවික සුපිරි ජලභීතික පෘෂ්ඨ වල නැනෝ/ ක්ෂුද්‍ර ව්‍යුහයන් අධ්‍යයනය කිරීම සඳහා ඉලෙක්ට්‍රෝන අන්වීක්ෂීය ඡායාරූප ලබා ගන්නා ලදී.Item type: Item , පූරක අන්තර්ගතය වෙනස් කිරීම මඟින් දෘඪතාවය ඉහළ ටයර් - ට්‍රේඩ් සංයෝගයක් ගොඩනැගීම(Colombo : Sri Lanka Association for the Advancement of Science ,, 2022) Wickramaratne, R.K.W.B.; De Silva, W.W.P.ටයර් - ට්‍රේඩ් සඳහා භාවිත කරනු ලබන අමුද්‍රව්‍ය වල බලපෑම මඟින් වාහනවල ලාක්ෂණික ගති ගුණ වන පාලනය කිරීම. පෙරළීමේ ප්‍රතිරෝධය. ඉන්ධන කාර්යක්ෂමතාවය, ටයර්වල කල් පැවැත්ම, ශබ්දය හා ගැස්සීම යනාදිය වෙනස් වේ. දෘඪතාවය මඟින් ටයරයක් සඳහා ගෙවීයාම අඩු වීම. සිදුරු වීම අවම වීම. කැපීම අඩු වීම, හා සිරිම් අවම වීම සිදුවේ. කාර්මික ක්‍ෂෙත්‍රයේ දී ටයර්වල දෘඪතාවය මැන බැලීම සඳහා ඩියුරෝ මීටරය (shore A) නම් උපකරණය භාවිත වේ. මෙම අධ්‍යනය මඟින් ටයරයක් සඳහා නව දෘඪ ටයරයක අගයක් ට්‍රේඩ එක සඳහා වූ සංයෝගයක්, දෘඪතාවය 80-85 අතර අගයක් වන ලෙස ගොඩනගා එමඟින් භෞතික ලාක්ෂණික වන විශිෂ්ඨ ගුරුත්වය, ආතන්‍ය හැකියාව, දෘඪව පොළා පැනීමේ හැකියාව හා ගෙවී යෑමේ ස්වභාවය අධ්‍යනය කෙරේ. මෙහිදී පුරක ප්‍රමාණය වෙනස් කිරීම මඟින් දෘඪතාවය ඉහළ නංවා ගැනීම සිදු කරනු ලබයි. Carbon block සහ silica යනාදිය පුරක අමුද්‍රව්‍ය ලෙස භාවිතා කරනු ලබයි. නමුත් carbon block භාවිතය මඟින් ඉහළ පෙරළීමේ ප්‍රතිරෝධයක් හා පිළියළ කිරීමේ ගැටළු තිබේ. එබැවින් දෘඪතාවය ඉහළ නැංවීමේ පූරක වශයෙන් සිළිකා භාවිත කෙරේ. සිළිකා භාවිතය මඟින් සුවිශේෂී ලාක්ෂණික වන අඩු පෙරළීමේ ප්‍රතිරෝධය, ඉහළ ගෙවීයාමේ ප්‍රතිරෝධය, ඉහළ ග්‍රහණ හැකියාව සහ ඉහළ බරක් දරා ගැනීමේ හැකියාව ලබා දේ. සිළිකා අන්තර්ගතය 40 phr සිට 80 phr දක්වා වෙනස් කරමින් විවිධ ටයර් ට්‍රේඩ් සංයෝගය පිළියළ කරන ලදි. වඩාත් ප්‍රශස්ථ ගතිගුණ ලබාගතහැකි වූයේ 70 phr සිළිකා සමඟ ස්වභාවික හා කෘත්‍රිම රබර් මිශ්‍රණයෙනි. මෙහිදී shore A දෘඪතා අගය 82. පොළා පැනීම 430 ක් සහ ආතන්‍ය මාපාංකය 300% ද. ඇදීමේ හැකියාව 166.94 kgcm-2 විය. එමෙන්ම ආතන්‍ය ශක්තිය 226.83 kgcm-1 ද. කැඩීයාමට පෙර උපරිම ඇදීම් අගය 423% ද, වේ. සාර්ථක ටයර් ට්‍රේඩ් එකක් ස්වාහවික හා කෘත්‍රිම රබර් සමඟ 70 phr silica සමඟින් පිළියළ කරන ලදි. ප්‍රශස්ථ සංයෝග සමඟින් ටයරයක් නිෂ්පාදනය කළ අතර දරා ගැනීම පරීක්ෂණය සිදුකරන ලදි. මෙහිදී වි.350 ධාවන කාලයේ දී අඩු තාප නිර්මාණය විය. මෙවන් ටයර් කාර්මික කටයුතු වන පතල් වැඩ හා ට්‍රක් රථ වැනි රළු පාරවල් සඳහා භාවිතා කළ හැකිය.Item type: Item , රාමන් වර්ණාවලීක්ෂණය මගින් ග්ලූකෝස් සංවේදනය සදහා තඹ (copper) මූලික කරගත් උපස්ථරයක් (SERS) ගොඩනැගීම(Colombo : Sri Lanka Association for the Advancement of Science ,, 2022) Jayasekara, L.A.G.D.; Kalubovila, K.D.R.N.; Jayasinghe, J.L.K.; Jayaweera, H.H.E.; Gunawardena, M.S.; Dissanayake, D.P.; Jayanetti, J.K.D.S.ලාභදායි බව හේතුවෙන් රාමන් වර්ණාවලීක්ෂණය මගින් ද්‍රව්‍ය සංවේදනය කර ගැනීමට තඹ යොදා ගැනීම කෙරෙහි මෑත කාලයේ වැඩි අවධානයක් යොමුව ඇත. මෙහිදී පළමුව තඹ ඔක්සයිඩය විද්‍යුත් විච්ඡේදනය මගින් ට යිටේනියම් මත ස්ථරනය කර පසුව ඇස්කෝර්බික් අම්ලය මගින් අර්ධව ඔක්සිහරණය කර තඹ හා තඹ ඔක්සයිඩය සහිත උපස්ථරයක සාදා ගන්නා ලදී. මෙසේ සදාගන්නා ලද උපස්ථරය මත ග්ලූකෝස් හි රාමන් සඥාවේ වර්ධනය වීම සාමාන්‍ය ටයිටේනියම් තහඩුවට සාපේක්ෂකට 16.0 ± 0.2 තරම් සැලකිය යුතු අගයක් ගනී. මෙය සෘජුව විද්‍යුත් විච්ඡේදනය කරන ලද තඹ වලට සාපේක්ෂකව ද සැලකිය යුතු වර්ධනය වීමකි. මෙයට ප්‍රධාන වශයෙන් බලපා ඇත්තේ අංශු වල ක්‍රමවත් සැකැස්ම හා ඝනක හැඩැති ව්‍යුහයයි. එබැවින් මෙම තඹ හා තඹ ඔක්සයිඩය සහිත උපස්ථරය, රාමන් වර්ණාවලීක්ෂණ මගින් ග්ලූකෝස් සංවේදනය සදහා හැකියාවක් පෙන්නුම් කරන අතර, ඉදිරියේදී මෙය ප්‍රායෝගික භාවිතය සදහා යොදාගත හැකි මට්ටමට දියුණු කිරීමට බලාපොරොත්තු වේ.