ආයෙත් ගෙදර දී හොරෙන් සිගරට් බොන්න බැරි වෙයි. සිගරට් දුම ගෘහස්ථව හඳුනා ගැනීමට පහසු නව ක්රමයක්.
Loading...
Files
Date
Journal Title
Journal ISSN
Volume Title
Publisher
Colombo : Sri Lanka Association for the Advancement of Science ,
Abstract
දුම්පානය ශරීර සෞඛ්යයට බෙහෙවින් අහිතකර වේ. මෙහි අහිතකර බලපෑම දුම්පානය කරන තැනැත්තාට, එනම් සක්රීය දුම්පානය කරන්නාට පමණක් සීමා නොවී ඔහු වටා සිටින පුද්ගලයන්ට ද, එනම් අක්රීය දුම්පානයේ ගොදුරු බවට පත්වන්නන්ට ද ඒ හා සමාන බලපෑමක් ඇති කරයි. එබැවින් දුම්පානය ගෘහස්ථව සිදු කෙරෙන එක් ප්රධාන ම වායු දුෂණ මාධ්යයක් ලෙස පර්යේෂකයින් විසින් හඳුනා ගෙන ඇත. ස්වසන ආබාධ, පිළිකා තත්ව ආදී දරුණු රෝගාබාධ හැරණු විට දිගු කාලයක් පුරා දුම්වැටි භාවිතා කිරීමේ තවත් එක් අඳුරු පැති කඩක් ලෙස එයට ඇබ්බැහි වීම හඳුනා ගත හැක. මෙම ඇබ්බැහි වීමට ප්රධාන ම හේතුව වන්නේ නිකොටීන් නැමැති සංඝටකයයි. බොහෝ දෙනෙකු දුම්පානය කරන්නේ ද දුම් කොළෙහි පමණක් අන්තර්ගත නිකොටින් නම් මෙම රසායන ද්රව්ය නිසාය. එමගින් මනස උත්තේජනය කරන බව විද්යාත්මකව සොයා ගෙන ඇත. එම නිසා දුම්බීම පුරුද්දක් කර ගත් බොහෝ දෙනාට එය මඟ හැර ගැනීමට අපහසු වී ඇත. ඉහත දක්වන ලද සියලු ම කරුණු සැලකිල්ලට ගත් විට දුම්පානයට ඇබ්බැහි වීමට ප්රථමයෙන් ම අයෙක් එයින් අත් මුදවා ගැනීම, දුම්වැටි භාවිතය නැවැත්වීමට ගත හැකි වඩාත් ම ප්රායෝගික පියවර බව පෙනී යයි. එසේ නම් අපගේ මූලික අවධානය යොමු විය යුත්තේ පාසල් වයසේ දරු දැරියන් සහ නව යොවුන් වියේ පසු වන්නන් මෙම අහිතකර පුරුද්දට ඇබ්බැහි වීම නවත්වා ගැනීම කෙරෙහි වේ. එම අවශ්යතාව සැලකිල්ලට ගනිමින් අපගේ පර්යේෂණයේ එක් මූලික ම අරමුණක් වශයෙන් දෙමාපියන් හට තම දරුවන් දුම්පානයේ යෙදෙන්නේ ද නොයෙදෙන්නේ ද යන්න සැක හැර දැන ගැනීම සඳහා නිවසේ දී භාවිතා කළ හැකි සරල ක්රම වේදයක් හඳුන්වා දීමට අපි අදහස් කළෙමු. සිගරට් දුමට එයට ම ආවේණික වූ දුර්ගන්ධයක් පැවතිය ද මෙම දුර්ගන්ධය මඟ හරවා ගැනීමේ විවිධ ක්රම දරුවන් භාවිතා කරන බැවින් එමඟින් දුම්පානය කරන්නන් හඳුනා ගැනීමේ අපහසුතාවක් පවතියි. එම නිසා දුඟදක් නොමැති වුව ද දුම්වැටි භාවිතා කර තිබේ ද නැද්ද යන වග හඳුනා ගැනීම සඳහා සිගරට් දුමෙහි පමණක් අඩංගු නිකොටීන් නිරීක්ෂණය මත පදනම් වූ අපගේ නව ක්රමයට හැකියාව පවතියි. වැඩිදුර පර්යේෂණ මගින් එය නිකොටීන් සංවේදී පද්ධතියක් දක්වා වැඩි දියුණු කිරීම අපගේ අභිලාෂයයි. මෙවැනි පද්ධතියක් මඟින් යෞවනයන් දුම්පානය කිරීම අධෛර්යමත් කිරීමත් කුඩා කල ම දුම්පානය වැළැක්වීම තුළින් නිරෝගීමත් ජාතියක් ගොඩ නැගීම සඳහා සුළු හෝ දායකත්වයක් ලබා දීමත් අපගේ අභිප්රායයි.
Description
Keywords
Citation
SLAAS Proceedings of the 78th Annual Session 2022
