විවිධ කෘෂි දේශගුණික කලාප වලින් ලබා ගන්නා මීපැණි වල ගුණාත්මකභාවය එකිනෙකට වෙනස් වන බව ඔබ දන්නවාද?
| dc.contributor.author | Rajapakshe, A.S.I. | |
| dc.contributor.author | Abeysinghe, D.C. | |
| dc.contributor.author | Dharmadasa, R.M. | |
| dc.date.accessioned | 2026-09-02T14:26:00Z | |
| dc.date.issued | 2022 | |
| dc.description.abstract | මී මැස්සන් යනු ප්රධාන වශයෙන් ශාක වල පුෂ්ප වෙතින් තම ආහාර අවශ්යතාව සපයා ගන්නා ඉතා ප්රයෝජනවත් ජීවී කොට්ඨාශයකි. මොවුන් පෝෂණය සඳහා මල් පැණි සහ පරාග ලබා ගනී. මී මැස්සන් බෝග පරාගනය කිරීමට සහ පරිසරයේ සශ්රීක බව පවත්වා ගෙනයාමට වැදගත් කාර්යභාරයක් ඉටු කරයි. "මී පැණි" හෙවත් "මධු" ලෙසින් හැඳින්වෙන්නේ මී මැස්සන් විසින් පැණි නිපදවන ශාක වලින් එකතු කරන ලද පැණි භාවිතා කර සාදන සීනි සහිත ද්රව්යයකි. ඉතා ඉහළ ඖෂධීය වටිනාකමක් ඇති මී පැණි, අතීතයේ සිට පුරාණ හෙළ වෙදකමේ දී සුව නොවන තුවාල සුව කිරීමට, දියවැඩියාව, උගුරේ ආසාදන, ඇස් ආශ්රිත රෝගාබාධ වැනි විවිධ රෝගාබාධ සඳහා ප්රතිකාර කිරීමට යොදාගෙන ඇත. කොටිඩ් 19 වසංගතයේ ප්රතිඵලයක් ලෙස මී පැණි එහි ඇති ප්රතිශක්තිය ඉහළ නැංවීමේ ගුණාංග හේතුවෙන් මෑතකදී සමාජයේ වඩාත් ආකර්ෂණය දිනාගෙන ඇත. මී පැණි වල ඇති මෙම ඖෂධීය වටිනාකම පැණි ලබාගන්නා ශාක ප්රභවය, පාරිසරික හා දේශගුණික සාධක හා මී මැස්සන් විශේෂය වැනි බොහෝ සාධක මත රඳා පවතී. එනම් විවිධ ප්රදේශ වලින් ලබාගන්නා මී පැණි වල ඇති ගුණාත්මකභාවය වෙනස් වන බව මෙයින් තහවුරු වේ. ශ්රී ලංකාවේ කෘෂි දේශගුණික කලාප 46 ක් ඇති අතර විවිධ කෘෂි දේශගුණික කලාප වලින් ලබාගන්නා මී පැණි වල ඇති ගුණාත්මක භාවය හා රසායනික ගුණ පිළිබඳව දේශීය වශයෙන් මෙතෙක් සිදු කර ඇති විද්යාත්මක පර්යේෂණ අල්පය. එබැවින්, ශ්රී ලංකාවේ විවිධ ප්රදේශ වන අම්පාර (පහතරට වියළි කලාපය), බිඳුනුවැව (උඩරට අතර මැදි කලාපය), කොත්මලේ (මැදරට තෙත් කලාපය), දෙනියාය (මැදරට තෙත් කලාපය), වාරියපොල (පහතරට අතරමැදි කලාපය), මාවතගම (පහතරට අතරමැදි කලාපය), මහියංගනය (පහතරට අතර මැදි කලාපය), මාතර (පහතරට තෙත් කලාපය) සහ වෙළෙඳ පොළින් ලබාගත් මී පැණි සාම්පල වල ඖෂධීය ගුණ සහ රසායනික ගුණාංග ඇගයීම සඳහා අධ්යනයක් සිදු කරන ලදී. මෙහිදී අම්පාර ප්රදේශයෙන් (පහතරට වියළි කලාපයෙන්) ලබාගත් මී පැණි වල ඉහළ ඖෂධීය ගුණයක් ඇති බව වාර්තා විය. මෙයට හේතුව එම මී පැණි සාම්පලය ලබාගත් ස්ථානයේ විශාල ශාක විවිධත්වයක් තිබීම විය හැකිය. තවද, වෙළෙඳ පොළෙන් ලබාගත් මී පැණි සාපේක්ෂව අඩු ගුණාත්මක භාවයෙන් යුක්ත වන බව වාර්තා විය. මේ අනුව විශාල ශාක විවිධත්වයක් ඇති ප්රදේශ වල මී මැසි පාලනය දිරිගැන්වීම මගින් ගුණාත්මක භාවයෙන් ඉහළ මී පැණි නිෂ්පාදනය කළ හැකි බව මෙම පරීක්ෂණයෙන් පෙනී යයි. | |
| dc.identifier.citation | SLAAS Proceedings of the 78th Annual Session 2022 | |
| dc.identifier.uri | http://vidya.nsf.gov.lk:8080/pdfs/vidslaas/2022/205B.pdf | |
| dc.identifier.uri | https://viduketha.nsf.gov.lk/handle/123456789/20412 | |
| dc.language.iso | sin | |
| dc.publisher | Colombo : Sri Lanka Association for the Advancement of Science , | |
| dc.subject | Bee | |
| dc.subject | Honey | |
| dc.subject | Animal Husbandry | |
| dc.subject | Climate | |
| dc.subject | Agriculture | |
| dc.title | විවිධ කෘෂි දේශගුණික කලාප වලින් ලබා ගන්නා මීපැණි වල ගුණාත්මකභාවය එකිනෙකට වෙනස් වන බව ඔබ දන්නවාද? | |
| dc.title.alternative | 205/B | |
| dc.type | Article |